9-anyos nga Bicolano chess player, daog sang bulawan nga medalya sa Thailand

ILOILO CITY — Daog sang bulawan nga medalya ang siyam ka tuig nga si Bince Rafael Operiano sang Oas, Albay sa 6th Eastern Asia Youth Chess Championship sa Bangkok, Thailand.

Si Operiano ang tiglawas sang pungsod sa international competition nga ginhiwat halin sang Nobyembre 4 tubtob 13, 2022.

Siya ang napilian nga mag-compete sa international tournament matapos magdaog sa Boys Under 9 category sa National Youth and Schools Chess Championships Grand Finals nagligad nga Setyembre 16 tubtob 23, 2022 sa Zamboanga Del Norte.