ILOILO CITY — Madamo ang nakatalupangod sang “glowing” nga hitsura ni sang Gutierrez matriarch nga si Annabelle Rama matapos ang iya nga ika-70 nga kaadlawan.
Apang, gilayon naman nga ginsabat ni Rama ang mga netizen nga nagapahayag nga nagparetoke ini sang iya nawong gani nga mas bata ang iya karon nga hitsura.
Sa iya nga Instagram account, ginpanginwala ni Rama nga nagpakaayo ini.
Suno sa iya, nahadlok siya sa operasyon kag injection gani nga malayo gid nga magparetoke ini bisan ano sa iya nga lawas.
Nagpasalamat man ini sa mga nabaton niya nga komento, positibo man ukon negatibo, bangud nag-enjoy naman siya sa pagbasa.
Nahibaluan nga kasado si Rama sa beterano nga aktor nga si Eddie Gutierrez kag may anum sila ka mga bata lakip na sanday Ruffa, Richard, kag Mond nga nagsulod man sa showbiz.
