Bukas ang Iloilo City Government agud nga mag-assist sa mga kinahanglan sang mga mentally challenged individuals.
Ini ang pahayag ni Dra. Rebecca Gregorios ang Medical Officer IV sang Iloilo City Health Office (CHO) kag head sang Bo. Obrero Health Center sa interview sang Radyo Bandera Iloilo.
Suno sa natungdan apisar nga mga pasyente nga may diagnosis na gikan sa Western Visayas Medical Center (WVMC) kag West Visayas State University (WVSU) medical Center ang ginabuligan sang syudad, bukas man ini para sa mga nakitaan pa lang sang sintomas sang depresyon nga kinahanglan pa sang assessment kag diagnosis sang eksperto.
Dugang pa ni Gregorios dako ang mangin bulig sang libre nga bulong kag counseling nga ginahatag sang syudad para sa mga pumuluyo sang syudad nga may problema sa paminsaron nga kinahanglan bulngon.
