ILOILO CITY — Nangin madinalag-on ang pagbukas sang Clinica de Alternativo Medicina and Wellness Center sa Salvacion St., Brgy. Poblacion Ilawod, Passi City subong nga adlaw, Disyembre 8, 2022.
Ginpangunahan ni Doc Ramel Uy ang grand opening kaupod ang alkalde sang syudad nga si Atty. Stephen A. Palmares kag Sangguniang Panlungsod member Joe Divin Palencia.
Gin-updan man sang ginatos ka mga Passinhons kag mga residente gikan sa kaiping nga mga kabanwahana ang pagbukas sang bag-o nga product center.
Nakabaton sang timprano nga pamaskwa ang mga nagtambong sa grand opening kun sa diin lima ang nakabatun sang Pure-cee, lima man ang nakabatun sang DTX coffee mix, lima man ang nagdaog sang DTX 500, lima man ang nagpauli nga may dala nga D3Bio kag isa ang nakakuha sang power trio nga Pure-cee, DTX 500, DTX coffee mix kag D3 Bio.
10 naman ka mga maswerte nga tagdaog ang nakabaton sang tag-500 pesos nga cash, kag ang 17-anyos naman nga si Alea Martinez ang nagabutan bilang grand winner sa Share mo, Like mo, Opening Promo kag nakabaton sang P10, 000 cash.
Magluwas dira, 100 ka mga benepisyaryo man ang nakabaton sang food packs.
May yara man sang free check-up kag 20% discount sa tanan nga produkto subong nga adlaw.
