Sa masobra 1,200 ka varieties sang watermelon nga nagatubo sa bug-os nga kalibutan, natukiban nga ang may pinakamahal nga presyo amo ang “densuke watermelon”.
Nakahibalo ka bala nga ang Densuke watermelon ang nagatubo lang sa northern island sang Hokkaido sa Japan, kag indi ini kaangay sa iban nga pakwan nga madali lang makit-an sa mga merkado, bangud ang densuke watermelon ang ginakabig nga “rare watermelon” sa bug-os nga kalibutan.
Kag sa tion sang pagharvest, ang mga densuke watermelon nga makuha ang gilayon nga ipa-auction sa highest bidder. Kag sadtong tuig 2019, gin-auction ini sa balor nga 750,000 Japanese yen ($6,000) ukon masobra sa ₱350,000.
Samtang, mahimo naman mabakal sa presyo nga $250 ukon masobra sa ₱14,000 ang nasambit nga pakwan.
Nahibaluan man nga ang densuke watermelon ang may black kag shiny exterior, crisp flesh, kag tuman ka tam-is kag gamay lang ang liso.
