Sunday, December 4, 2022

Early Warning Device, na imbento sang Pinay scientist para ma-predict ang fish kill kag red tide

- Advertisement -

Dako nga bulig para sa mga mangingisda ang na imbento sang isa ka Pinay marine scientist ang isa ka device nga sarang makatumod kun may yara sang fish kill kag red tide sa isa ka lugar.

Ginpakigbahin ni Dr. Aletta Yñiguez sang University of the Philippines (UP) Marine Science Institute ang HABhub, ukon early warning device nga ginhimo nya upod ang Bureau of Fisheries and Aquatic Resources kag iban pa nga institusyon sang UP.

“HABhub is a system na nagko-consolidate ng information, data and models that support decision-making, and provides early warning also for managing algal blooms o ‘yung tinatawag na red tide,” suno kay Yñiguez.

- Advertisement -

“Meron itong long-term na data or various data sets na kailangan para maintindihan bakit nangyayari ang habs,” dugang pa sini.

Real-time man ang device sa pagkuha sang data sa bulig sang mga sensor. Mahimo man ini ma-access sa online.

Sang tinalikdan nga bulan sang Mayo sini nga tuig 2022, nasalbar ang kita sang madamo nga mangingisda sa Bolinao, Pangasinan paagi sa bulig sang HABhub.

- Advertisement -

Magluwas sa fishkill forecast, nagahatag man ini sang impormasyon kun sa diin nga coastal areas ang posible may mariculture activities kaangay sang pagtukod sang fish pens kag aquatic farming.

Nahibaluan man nga una na ginhimo ni Yñiguez ang “ARAICoBeh” ukon ang A Rapid Assessment Instrument for Coastal Benthic Habitats, nga gin-usar naman para makita ang estado sang coral reefs kag iban pa nga sahi sang underwater surveillance.

“Compared to that standard method, it’s a lot cheaper, about half the cost. Plus it covers a larger area at a faster time,”

- Advertisement -

Bangud sa kontribusyon sa marine ecology, isa si Yñiguez sa mga ginkilala nga The Outstanding Women in the Nation’s Service subong nga tuig 2022.

- Advertisement -
Karen Badilla
Karen Badilla
Karen might be new in the news landscape of Iloilo but she's certainly a pro. Before joining forces with Radyo Bandero Iloilo news team, she served as one of the reporters/anchorwoman/news writers of a radio station in Bacolod City. With more than 3 years of broadcast experience under her sleeve, Karen is a total package ready to serve and deliver nothing but reliable information to the people of Iloilo.

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles