Sunday, December 4, 2022

Ihibalo natuhoy sa pagmanage sa pinansyal nga aspeto, gintalakay sang isa ka Financial Educator sa programa nga BTS sang Radyo Bandera Iloilo

- Advertisement -

Gintalakay sa programa nga Bandera Talk Show (BTS) ang topiko natuhoy sa ihibalo sa pagmanage sang pinansyal nga aspeto ukon Financial Literacy subong nga adlaw, Setyembre 25.

Ginpakigbahin ni Ms. Bingbing Josue, Financial Educator kag Registered Financial Trainer sang (IMG) International Marketing Group-Iloilo Chapter ang pila ka mga tips kun paano maka-save sang kwarta apisar nga gamay lang ang gina-sweldo ukon gina-income sang isa ka persona.

Sa masami, gina-ubra sang kadamuan ang income minus expenses kag amo na ina ang mangin savings apang sa sini nga bahin, ang formula ang mangin income buhinan sang savings kag amo na ina ang mangin expenses ukon dapat lang nga gastuhon.

- Advertisement -

Suno kay Josue, una, ang pagdesisyon nga mag-save gid sang kwarta, kinahanglan sang husto nga mindset kag disiplina.

Ikaduha, ang pagmonitor sang gingasto lakip na ang pagbayad sang mga bills kaangay sang kuryente, tubig kag iban pa ang nagakinahanglan nga unahon ang needs ukon kinahanglanon sangsa sa wants lang, kag indi kinahanglan nga maggasto agud nga maganyat ang iban nga tawo.

Ikatatlo, hibaluon ang lifestyle nga dapat nagakabagay lang sa income nga mabaton sa tagsa ka sweldo.

- Advertisement -

Dugang pa sini, sa mga indi bastante ang income, mangita sang pamaagi nga maka-sideline ukon makapangita sang iban pa nga trabaho sa tion sang spare time.

Ginahaylo man ni Josue ang tanan nga mag-save gid sang ila nga mga kita para man sa ila bwas-damlag.

Nagatanyag sa karon sang libre nga seminars kun paano i-manage ang income kag investment ang IMG Iloilo City.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles