Isa ka mangunguma nga nagdaog sang P142.6 million sa Lotto, ginkuha na ang iya nga premyo

ILOILO CITY— Ginkuha na sang 80-anyos nga mangunguma nagikan sa Leyte ang iya nga P142,679,606.40 million lotto prize sa Philippine Charity Sweepstakes Office (PCSO) central office sa  Mandaluyong.

Suno kay Royina Garma, PCSO general manager, ang nagdaog ang gin-updan sang iya nga duha ka bata.

Nagdaog ang nasambit nga mangunguma sa Super Lotto 6/49 draw sang tinalikdan nga bulan matapos nga mapaktan ang winning combination nga 02-05-04-31-01-46.

Nahibaluan nga 15 na ka tuig nga nagataya ang nasambit nga nagdaog.

Pagagamiton sini ang kwarta agud ibakal sang properties para sa iya nga bata, magpatukod sang gamay nga negosyo kag magbukas sang iya nga lotto outlet.