Nakabaton sang sulat gikan kay Vice President Sara Duterte si John Amores, ang kontrobersyal nga basketball player matapos nang-amok sa mga players sang St. Benilde.
Ginpakigbahin ni former JRU Heavy Bomber sa iya Facebook post ang sulat nga ginpadala sa iya sang bise presidente nga may “words of encouragement”.
“Remember the lesson not the mistake, you have a friend from the Office of the Vice President,” base sa sulat ni Duterte.
“It was a great honor, Ma’am, thank you for those words of encouragement.”, base naman sa post ni Amores.
Nahibaluan nga nagapangatubang sang kaso nga physical injuries si Amores nga gin-file nanday Jimboy Pasturan kag Taine Davis, ang duha ka players sang De La Salle-College of Saint Benilde nga ginsumbag ni Amores sa hampang nila sadtong Nobyembre 8.
Si Amores ang ginkakas naman sa JRU basketball team and athletics program kag suspendido sa NCAA.
“Ipapa-frame ko ‘to as a remembrance na sa dami ng bashers at negative critics [ko], may isang tao na ipapaalala sa’yo na mahalaga ka kahit ‘di mo kaano-ano,” dugang pa ni Amores.
“I won’t lose hope, somewhere in between in the darkest season of my life there’s still a light.”
