Saturday, August 20, 2022

Nobya nagsuksuk sang wedding gown antes ang lubong sang iya nga nobyo

- Advertisement -

Viral karun sa social media ang litrato sang isa ka babaye nga nagasuksuk sang wedding gown sa haya sang iya nga nobyo sa Barangay Quezon, Cabugao, Ilocos Sur.

Ang nobya ang ginkilala nga si Alma Santos, 26-anyos kag ang napatay nga nobyo sini amo si Francis Valenton, 24-anyos.

Nahibaluan nga napatay si Francis bangud sa heart disease.

- Advertisement -

Suno kay Alma, kuha ang ini nga litrato pila ka oras antes ang lubong sang iya nobyo sang tinalikdan nga Enero 31.

Ang pagsuksuk niya sang wedding gown sa amo na nga adlaw ang isa ka pamaagi agud nga tuparon ang hulihi nga ginapangayo sang iya nga nobyo.

Ginpakigbahin pa sini nga tatlo ka adlaw antes napatay ang iya nobyo nag-ako pa ini sa iya nga gusto niya magpakasal.

- Advertisement -

Samtang ginsaysay naman sang utod ni Francis nga si Paulan nga antes mapatay ang iya nga utod nagapamangkot pa ini sa ila abyan nga photographer angut sa pre-nup photoshoot.

Walo ka bulan nga nagkahagugma si Francis kag Alma.

Hidlawon gid si Alma sa pag-atipan ni Francis sa iya.

- Advertisement -

Nadula man si Francis apang magapabilin sa gihapon sa iya tagipusuon kag paminsaron ang maayo nga pag-updanay nila sang iya nga nobyo.

- Advertisement -
Quin Gomer Dellera
Quin Gomer Dellera
Gomer is a trailblazer in the media industry who strives hard to give credible and trustworthy news. He is passionate and devoted in newswriting. He is a new breed of reporter that specializes in entertainment, tourism, culture and arts.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
924SubscribersSubscribe
- Advertisement -

Latest Articles