Monday, December 5, 2022

Pamilya Hombrebueno sa Bitoon, Jaro, aga pa ginpukaw sang grasya halin sa Radyo Bandera Iloilo, Serbisyong Bandera, Wow May Puso!

- Advertisement -

ILOILO CITY — Aga pa nga ginpukaw sang grasya ang pamilya Hombrebueno sa Zone 1, Barangay Bitoon, Jaro matapos nga sila ang maswerte nga napilian bilang benepisyaryo sang Serbisyong Bandera, Wow may Puso! Subong nga adlaw.

Tuman ang pagpasalamat sang mag-asawa nga sanday Randy, 44-anyos kag Roda, 41-anyos sang ginbaton nila ang isa ka sako nga bugas, grocery items, DTX Coffee Mix, radyo kag P500 nga cash.

Nahibaluan nga nagapanguot sang alimango, nagapanglaya, kag nagapangsisi ang mag-asawa agud nga mabuhi ang anum nila ka mga kabataan.

- Advertisement -

Suno sa ila, mga sobra duha ka kilo sang bugas man ang ila makonsumo sa kada adlaw, gani nga dako gid ang bulig sang timprano nga pamaskwa halin sa Radyo Bandera, RYU Foundation kag kay Dr. Ramel Uy sa ila nga pamilya.

Ang pamilya Hombrebueno ang pila lamang sa mga benepisyaryo sang Radyo Bandera Iloilo, Serbisyong Bandera, Wow may Puso! nga padayon nga nagabulig sa mga nagakinahanglan kag nagahatag sang paglaum sa mga Ilonggo.

Padayon nga magahatag ang Radyo Bandera Iloilo sa mga pamilya nga pigado kag nagakinahanglan sang bulig, gani kabandera bantayan kay basi ikaw na ang masunod nga makabaton.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles