Tuman ang kalipay ni Jojit de Leon, isa ka Pinay nanny bangud naka-jackpot ini sang maka-graduate sa Harvard ang iya anak nga si Maria.
Nahibaluan nga ang Harvard University sa Massachusetts, U.S.A. ang ginakabig bilang isa sa pinaka-prestihiyuso nga unibersidad sa bilog nga kalibutan.
Nagtapos si Maria sa kurso nga Bachelor of Arts in Molecular and Cellular Biology sang tuig 2020 kag ang pagka-full scholar niya ang dako nga bulig para sa iloy sini nga si Jojit.
Nagatrabaho si Jojit bilang nanny ukon yaya sa Amerika agud nga may magasto sa pag-eskwela sang ila mga kabataan.
Bangud sa pandemya, subong lang nahatagan si Maria sang kahigayunan nga makasaka sa stage apisar duha na ka tuig nga nakaligad nga siya nag-gradwar.
Nagpadulong man ang iya amay gikan sa Pilipinas agud nga magtambong sa iya nga graduation.
Nahibaluan nga nakabase sa US si Jojit kag tatlo niya ka mga anak.
