Sunday, December 4, 2022

Pinoy factory worker sa taiwan, ginpa-tattoo sa butkon ang grocery list sang iya utod nga nagtaliwan bangud sa pneumonia.

- Advertisement -

ILOILO CITY -Nagviral ang grocery list tattoo sang isa ka Pinoy factory worker sa Taiwan nga si Bojo Aquino.

Suno kay Bojo, nadesisyunan niya nga ipa-tattoo sa iya butkon ang grocery list sang iya manghod nga si Tirso Aquino Jr. bilang handumanan matapos nagtaliwan ini bangud sa pneumonia.

Sa panaysayon ni Bojo, daw anak niya ang pagkabig sa kamanghuran nga utod kon sa diin nagapadala ini sa iya sang listahan sang mga luyag sini ipabakal nga kalabanan mga pagkaon sa tion sang suweldo.

- Advertisement -

Dugang sini nga adlaw-adlaw nga naga-chat sa iya ang manghod kag nagapamangkot kon suweldo na kag nagapadala sang kaugalingon sini nga grocery list sang mga gusto sini ipabakal sa iya.

Ginpahayag ni Bojo nga ini ang paagi sang iya manghod nga magpa-angga sa  iya.

Apang sining bulan sang Hunyo, na-diagnose si Tirso Jr, sang severe pneumonia kon sa dii halos isa ka semana  ini sa ospital kag nagtaliwan.

- Advertisement -

 Dugang ni Bojo nga ginpa-tattoo niya sa butkon ang ulihi nga grocery list sang kamanghuran nga utod bilang paagi nga masarangan niya mabaton ang pagtaliwan sini.

Suno sa iya nga handumanan man ini sang iya manghod bangud ini ang pamaagi sini para magpa-anggan sa iya.

Suno sa iya nga kon nagakawad-an na siya sang gana sa kabuhi bangud sa natabu, nagahatag sa iya sang motivation para mag-move forward kon makita niya sa iya butkon ang grocery list sang iya pinalangga nga manghod.

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles