ILOILO CITY — Nangin madinalag-on ang ginhiwat nga 5th Manager’s Conference 2023 sang Radyo Bandera Sweet FM Philippines kag Clinica De Alternativo Medicina and Wellness Center Inc. sa Bellevue Resort, Panglao, Bohol.
Nakabaton sang “Teamwork Award” ang Radyo Bandera Iloilo.
Nakakuha naman sang Award of Excellence si Station Manager Rey Espeja Umalay bilang Manager of the Year 2022 lakip na ang mga station managers sang Radyo Bạndera Bacolod, Roxas kag Kabankalan.
Magluwas diri, ginpasidunggan man si Kabanderang Rey sang “Outstanding Loyalty Award” kag “Performance Award.”
Suno kay Chief Executive Officer Doc Ramel Uy, ini ang iya paagi agud ipabutyag sa iya mga empleyado nga na-apresyar sini ang tagsa ka pagpaninguha sang tagsa ka istasyon.
Ang mga nakakuha sang major awards ang may yara pa sang cash gift nga nabaton halin kay Doc Ramel.
Samtang, ang iban nga istasyon ang ginpasidunggan man sang certificate of appreciation kag loyalty award kag iban pa nga minor awards.
Nahibaluan nga masobra 30 ka mga managers sang Radyo Bandera stations gikan sa Visayas kag Mindanao, managers sang Clinica De Alternativo Medicina and Wellness Center, KFIVE FM kag RYU Foundation ang nagpakigbahin sa amu nga conference.
