Sibuyas, ginhimo nga wedding bouquet sa Cebu

Ginkalingaw sang kadam-an ang nangin wedding bouquet sang isa ka bride sa Cebu bangud imbis nga bulak, human sa sibuyas ang bouquet.

Base naman sa post sang RR Production sa Facebook, mas ginpili sang bride nga si Lyka nga mag-usar sang “something” nga makabig nga “most expensive” kaangay sang red onions baylo sa traditional flower.

Samtang, nahibaluan man nga bisan ang mga kababa-ihan nga nalakip sa iya wedding entourage ang nagbitbit man sang ring flower nga lunsay sibuyas ang nakakabit.