Talent Manager Ogie Diaz, ginklaro ang isyu natuhoy commission nga ginakuha niya sa actress nga si Liza Soberano

Ginklaro sang talent manager nga si Ogie Diaz ang isyu natuhoy sa iya commission nga nakuha gikan sa aktres nga si Liza Soberano bilang talent manager sa sulod sang duha ka tuig.

Sa iya vlog, ginpahayag sini nga makakuha man siya gihapon sang commission apisar nga na-expire na ang ila management contract.

Dugang pa ni Diaz, kun may mag-abot nga proyekto kaangay sang brand endorsement para sa aktres, ginpalab-ot niya ini sa bag-o niya nga management pinaagi sa ila RM (road manager).

Nahibaluan nga nasakitan si Liza sa mga indi matuod nga alegasyon kag pahayag ni Diaz batok sa iya.

Samtang, naghingyu man si Diaz sang pasaylo sa aktres natuhoy sa iya mga pahayag.