Natandog ang balatyagon sang mga netizens sang nagviral ang Tiktok video sang aktres nga si Roxanne Guinoo sang nagbisita ini sa balay sang iya ginikanan.
Ginpakigbahin ni Roxanne sa iya social media account ang iya Sunday routine sa diin nagapaninlo ini sa balay sang iya ginikanan.
Makit-an sa video nga nagapanghugas ini sang pinhgan, nagapaninlo sa bilog nga balay lakip na ang kusina, salas kag kwarto.
Suno sa aktres, ginasiguro niya nga matinlo ang balay antes siya magpauli agud nga indi na sila mag-ubra pa.
“This is how I spend my Sundays at my parents’ house. I make sure maiiwan ko silang maayos na ang bahay at wala na silang maiiwanan na trabaho. Bigyan panahon natin ang ating mga magulang, pahalagahan natin bawat oras na nakakasama natin sila,” caption sini.
Gindayaw man sang mga netizins ang ginhimo ni Roxanne para sa iya ginikanan apisar nga may kaugalingon na ini nga pamilya.
