ILOILO CITY — Nagdangat na 80 ang narekord nga COVID-19 deaths sa Iloilo City.
Ini ang ginkumpirma ni Dr. Roland Fortuna COVID-19 Focal Person sang Iloilo City.
Sunu kay Fortuna ang nasambit nga data ang narekord humalin Enero tubtob Hulyo 2022 sa diin kalabanan sa mga nagkalamatay ang indi bakunado.
Dugang pa ni Fortuna ginre-classify sang COVID Team ang pagtumod sa mga nagkalamatay bangud sa nasambit nga virus sa direct cause kag in-direct cause.
Ang direct cause sunu sa doktor amu ang mga nagkalamatay nga COVID lang ang ginbatyag sa diin 7 ang narekord sang syudad kag 6 diri ang unvaccinated.
Sa piyak nga bahin makabig naman nga indirect cause kung i-classify ang mga nagkalamatay nga mga tawo tungod sa komplikasyon ukon nagpositibo lang matapos nga ginpaidalum sa swab bilang requirement agud nga makapa-confine sa ospital bangud sang existing na nga balatian.
