Governor Arthur Defensor Jr. wala na nag-apela nga panubuan ang alert level status sa probinsya sang Iloilo

ILOILO CITY — Wala na nag-apela si Gov. Arthur Defensor Jr. nga panubuan ang Alert Level classification sa probinsya sang Iloilo.

Sa interview sang Radyo Bandera Iloilo sa gobernador ginpahayag sini nga ang quarantine classification ang nagatakos sang disiplina sang mga pumuluyo.

Nahibaluan nga sa idalum sang Alert Level 2 ginapahanugutan ang 50% indoor capacity sa mga establisyimiento kag 70% nga outdoor capacity.

Wala na sang liquor ban kag ang curfew naga-umpisa alas-10:00 sa gab-i tubtob alas-4:00 sa kaagahon.

Sa karon, ginahulat na lang sang gobernador ang rekomendasyon gikan sa National Inter-Agency Task Force angot sa alert level status nga ipatuman sugod Marso 16 tubtob Marso 31, 2022.