Saturday, August 20, 2022

Ivermectin indi makapugong sa severe COVID-19 suno sa eksperto kag pagtuon

- Advertisement -

ILOILO CITY — Wala sang alibyo bilang bulong ang ivermectin para sa mga pasyente nga may COVID-19.

Ini ang ginpahayag kahapon sang infectious disease expert nga si Dr. Rontgene Solante nga nagbase sang pagtuon sa Malaysia nga ginpagwa sadtong Pebrero 18.

Una na nga ginpahayag sang Philippine Society for Microbiology and Infectious Diseases sang nagligad nga tuig nga indi paggamiton ang ivermectin nga bulong para sa mga pasyente nga may mild to moderate COVID-19.

- Advertisement -

Madumduman nga sang nagligad nga tuig, ginhatagan sang Food and Drug Administration sang compassionate special permit (CSP) ang pila ka mga ospital para gamiton nga bulong sa COVID-19 ang ivermectin.

Suno kay Solante, mas maayo kun balikan liwat sang FDA ang mga datos.

Dugang pa sini nga magluwas sa wala ini sang alibyo batok sa severe COVID-19, posible nga makadugang pa ang side effects sini sa mga gina-inom nga bulong.

- Advertisement -

Sa separado nga pahayag, pabor ang DOH sa amo nga pagtuon kag ginpahayag nga wala sini kag sang FDA ginarekomenda ang paggamit sang ivermectin sa pagbulong sa COVID-19.

Suno sa FDA, ang rehistrado nga ivermectin amo ang oral kag intravenous nga bulong para sa mga sapat.

Ang ivermectin naman nga aprubado kag pwede gamiton sang tawo amo ang topical ukon ang ginapahid sa panit bilang bulong sa kuto kag iban pa nga skin diseases.

- Advertisement -

Ang CSP naman nga ginhatag ang para lamang sa limitado nga paggamit sang ivermectin kag indi rehistrado nga mga bulong.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
924SubscribersSubscribe
- Advertisement -

Latest Articles