Kabug-usan nga kaso sang Covid-19 sa Western Visayas, nagdangat na sa 186,000

ILOILO CITY – Nagdangat na sa 186,000 ang kabug-usan nga kaso sang CoVid-19 sa Western Visayas.

Ini base sa gin-pagwa sang Department of Health nga CoVid-19 Case Bulletin #836 subong nga adlaw.

Sa nasambit nga numero, 1,498 diri ang nagapabilin nga aktibo nga kaso kag 178,364 naman ang kabug-usan sang mga narekober sa amo nga balatian kag 6,025 naman ang total deaths.

Samtang, naga-panguna naman ang probinsya sang Iloilo sa may pinakamadamo nga kaso sa diin nagdangat ini sa 44,603 kag naga-pangaduha naman ang Negros Occidental nga may 40,524 cases.