Masobra 100 ka panibag-o nga kaso sang covid-19, narekord sa Western Visayas

ILOILO CITY – Nakarekord sang 112 ka panibag-o nga kaso sang CoVid-19 ang Western Visayas.

Base sa data sang Department of Health Region VI, syudad sang Iloilo ang nakarekord sang 41 cases kag 32 cases naman sa probinsya sang Iloilo.

17 cases naman sang nasambit nga balatian ang narekord sa probinsya sang Antique.

Samtang, nakarekord naman sang pito ka kaso ang probinsya sang Aklan, tig-anum ka kaso sa syudad sang Bacolod kag probinsya sang Guimaras, tatlo sa Negros Occidental kag wala naman sang may narekord sa Capiz.