Syudad sang Iloilo, may pinakamadamo nga kaso sang covid-19 sa  bug-os nga Western Visayas

ILOILO CITY – 132 ka panibag-o nga kaso sang CoVid-19 ang narekord sa Western Visayas.

Base sa data sang Department of Health Region VI, ang syudad sang Iloilo ang may pinakamadamo nga kaso sang nasambit nga balatian sa diin nakarekord ang ahensya sang 59 cases.

Nag-pangaduha naman ang probinsya sang Iloilo nga may 40 cases.

Nakarekord naman sang 15 cases ang probinsya sang Capiz; 7 cases sa syudad sang Bacolod; 4 cases sa probinsya sang Aklan; 3 cases sa probinsya sang Guimaras; tig-duha naman sa Antique kag Negros Occidental.