Masobra 100 ka panibag-o nga kaso sang Covid-19, narekord sa Pilipinas

Narekord sang Department of Health (DOH) ang 107 ka panibag-o nga kaso sang COVID-19 infections, sa diin yara na sa 4,078,231 ang kabug-usan nga kaso.

Base sa record sang DOH, nagnubo ang active cases sa 9,068.

Narekord ang National Capital Region sa may pinakamataas nga kaso nga yara sa 470 cases; ginsundan sang Davao Region nga may 256 ka kaso; 210 cases sa Calabarzon, 161 cases sa Soccsksargen kag 125 cases naman sa Northern Mindanao.