Masobra 100 ka panibag-o nga kaso sang COVID-19, narekord sang DOH

Narekord sang Department of Health (DOH) ang 128 ka panibag-o nga kaso sang COVID-19.

Ini ang ikalima nga magkasunod nga adlaw nga manubo sa 200 cases ang narekord sa nasambit nga balatian.

May kabug-usan naman nga 4,073,739 ang nationwide caseload samtang ang active cases nagnubo sa 9,520 cases.

Sa nakaligad nga duha ka semana, nakarekord ang National Capital Region sa may pinakamataas nga numero sang panibag-o nga kaso nga may 658 cases; ginsundan sang 303 cases sa Calabarzon; 195 cases sa Davao Region; 179 cases sa Western Visayas kag 151 cases sa Central Luzon.

Samtang, 124 naman ang new recoveries nga may kabug-usan nga 3,998,380 nga tally.