Masobra 1,000 ka panibag-o nga kaso sang COVID-19, narekord sa Pilipinas

Narekord ang 1,012 ka panibag-o nga kaso sang COVID-19 sa nakaligad nga semana, suno sa Department of Health.

Humalin sa Enero 30 tubtob Pebrero 5, may average nga 145 ka mga daily infections nga narekord sa pungsod, mas manubo kumpara sa tinalikdan nga semana.

Sa nasambit nga rekord sang impeksyon sa sini nga semana, wala sang kaso ang makonsidera nga severe ukon critical, base sa latest bulletin sang DOH.

Sang Dominggo, 388 ka kaso ukon siyam porsiyenti sang kabug-usan nga COVID-19 admissions ang severe kag critical condition.

Samtang, 288 ukon 14.2 porsiyento ang yara sa intensive care unit beds para sa COVID-19 patients.