ILOILO CITY- Natalana nga mag semi-retire ang 11-anyos nga negosyante agud makatutok sa iya pagtuon.
Si Pixie Curtis sang Australia ang naga-income sang masobra $132,000 ukon masobra P7 million kada bulan gikan sa iya madinalag-on nga mga negosyo nga nagakahulugan nga mahimo na siya magretire pag-abot niya sa 15-anyos bilang multi-millionaire.
Suno sa iloy ni Pixie nga si Roxy Jacenko nga nagdesisyon si Pixie nga untatan anay ang iya online toy store agud mag-focus sa iya liwat nga pagbalik sa eskuwelahan.
Suno kay Roxy nga pila na ka bulan nga gina-istoryahan sang ila pamilya ang natuhoy sa Negosyo ni Pixie tubtub nga nadesisyunan nga pabalikon ini sa pag-eskuwela sa pihak sang maayo na nga dalagan sang duha sini ka online business.
Bilang boss sang iya Negosyo, madamo na sang napundar si Pixie lakip na ang malahalon nga salakyan kag paghiwat sang super bongga nga birthday party.
Dugang pa ni Roxy nga apesar sang pagka-madinalag-on nga business owner sang iya bata, apang nagapabilin ini nga matinahuron, mabinalak-on kag mapinaubuson nga pagkabata kag nagabulig na ini sa mga nagakinahanglan kag naga-donar sa nagkalain-lain nga charity institutions.
