14 ka tawo nga nagatambung sa lubong,  patay sa landslide sa kapital nga siyudad sang Cameroon

ILOILO CITY- Patay ang 14 ka tawo nga nagatambung sa lubong sa nagluntad nga landslide sa Yaounde, ang kapital nga siyudad sang Cameroon.

Suno kay Naseri Paul Bea, governor sang Cameroon Center region nga gindala na ang mga bangkay sa morgue sang Central Hospital samtang ang iban nga tawo nga natabunan sang landslide ang ginapangita pa.

Nahibaluan nga madamo nga tawo ang nagatambung sa lubong sang isa ka soccer pitcher sa idalum sang 20 ka metros nga kataason sang dalan nga duta sang ini ang natiphag sa ila nahamtangan kag madamo ang natabunan.