Nagpalab-ot sang pakig-unong kag mensahe sang suporta ang mga world leaders sa South Korea bangud sa stampede sa diin napatay ang 151 ka mga persona sa Itaewon district sa Seoul bangud sa ginhiwat nga Halloween party.
Kalabanan sa mga nabiktima ang mga pamatan-on ukon yara sa 20 ang pang-edaron, suno sa Chief sang Yongsan Fire Department.
Ginpahayag ni Fire Chief Choi Seong-bum,151 ka persona ang napatay, 82 ang napilasan sa diin 19 diri ang severely hurt kag 57 naman ang nakasuprer sang minor injuries.
Nalakip sa mga napatay ang duha ka foreigners kag 15 naman ka mga dumuluong ang napilasan.
Ini ang una nga Halloween celebration matapos ang tatlo ka tuig bangud sa health restrictions tuga sang pandemya sa nasambit nga pungsod.
Base sa report, wala na gakinahanglan sang mask kag wala man sang limitasyon sang kadamuon sang tawo nga magapadulong sa amu nga selebrasyon.
Nagmando man si South Korean President Yoon Suk sa mga awtoridad nga gilayon nga i-identify ang mga biktima sang nasambit nga trahedya.
Narekord nga “cardiac arrest” ang gintuna-an sang ila kamatayon kag ang iban nabudlayan nga mag-ginhawa.
Nakadeploy man ang 1,700 ka mga emergency forces lakip na ang 517 ka mga bomber, 1,100 ka mga police officers kag 70 ka mga government officils sa nasambit nga lugar.
