17 ka tawo ang napatay matapos nga mahulog ang bus sa Bangladesh

Patay ang 17 ka tawo samtang 25 naman ang napilasan matapos nga nag-awas ang bus sa barandilya sang highway kag nahulog sa kanal sa gilid sang kalsada.

Ginapahayag sang police nga nadulaan sang control ang driver, takna las 8 sang aga kag na-igo ini sa railing sang gina-construct nga major expressway.

Nahulog ang bus sa kapin 30 ka tapak ukon 10 ka metro sang kanal.

Nahibaluan nga masami may nagluntad nga aksidente sa dalanon sa nasambit nga pungsod bangud sa madaan na nga salakyan kag guba nga dalanon.

Nagdangat naman sa 9,951 ka mga tawo ang napatay bangud sa road accidents sa Bangladesh sang tinalikdan nga tuig.