Sunday, December 4, 2022

76 ka tawo patay sa malapnagon nga hublag protesta sa Iran

- Advertisement -

ILOILO CITY-Kapin sa 76 ka mga protesters ang napatay sang Iranian security forces sa 11 ka adlaw nga kinagamo tuga sang kamatayon sang isa ka babaye nga gincustody.

Gin-akusahan sang Iran Human Rights ang mga otoridad nga naggamit sang puwersa kag bala agud matapna ang kinagamo.

Magluwas sa mga napatay, ginatos pa ka iban ang ginpang-aresto kon sa diin 20 sa mga ini ang mga journalists.

- Advertisement -

Nagpatigayon sang anti-government protests sa masobra 80 ka siyudad kag mga banwa sa bug-os nga Iran humalin sang ginlubong si Mahsa Amini sang Setyembre 17.

Ang 22-anyos nga Kurdish woman gikan sa siyudad sang Saqez ang nagpadulong sa Tehran sang Setyembre 13 sang gindakop sang morality police officers bangud sa pagbayolar sang kasuguan nga dapat tabunan sang mga babaye ang ila buhok sang hijab ukon headscarf.

Natumba ini sang gindala sa detention center agud edukaron natuhoy sa kasuguan apang napatay ini sa ospital matapos ang tatlo ka adlaw nga pagka-coma

- Advertisement -

Suno sa mga pulis nga napatay si Amini bangud sa heart failure apang indi magpati ang iya pamilya kag gin-alegar nga ginkastigo ini sang mga otoridad.

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles