ILOILO CITY- Nag-abiso ang rescue workers sa Japan sang pagluntad sang mudslides kag malapnagon nga pagbaha sa pagpanalasa sang pinakamabaskog nga bagyo sa pungsod sa sulod sang pila ka dekada.
Duha ka tawo ang napatay sa paglaslas sang bagyo Nanmadol kag 90 ka iban pa ang napilasan humalin sang mag-landfall ini sa isla sang Kyushu sang Domingo sang aga
Siyam ka milyon ka tawo ang ginmanduan nga mag-evacuate kag masobra 350,000 ka pamalay ang nadulaan sang kuryente.
Base sa forecast, magapadayon angg pagubo sang mabaskog nga ulan sa masunod nga 24 oras.
Suno sa NHK World, isa ka tawo ang napatay sang malunod ang iya salakyan sab aha kag ang isa napatay matapos matabunan sang landslide.
Ang supertyphoon nagdala sang hangin nga nagabaskog tubtub 234 km/hr nga katumbas sang category 4 ukon 5 nga hurricane kag nagwasak sang mga pamalay.
