BBC Journalist, ginsakit kag gin-aresto sang Chinese police bangud sa pag-cover sang hublag protesta sa China

Ginkumpirmar sang BBC nga gin-aresto sang China ang ila journalist kag ginsakit sang kapulisan samtang naga-cover sang hublag-protesta batok sa zero-COVID policy.

Nahibaluan nga madamo nga persona ang nagtipon sa dalan sa China bangud sa pagpamatok sa polisiya ni Chinese President Xi Jinping.

Base sa statement sang BBC, nagakabalaka sila sa treatment sang ila journalist nga si Ed Lawrence, nga gin-aresto, kag ginpusasan samtang yara sa iya trabaho sa Shanghai bilang accredited journalist.

Gin-priso man ini sang pila ka oras sa diin sya ang ginsumbag pa kag ginsipa sang pulis.

Wala naman sang may nabaton nga paathag kag pasaylo ang BBC gikan sa Chinese authorities.