Beterano nga politiko kag ginakabig bilang “world’s oldest current prime minister” nga si Mahathir Mohamad, napierde sa pinaka-una nga kahigayunan sa Malaysia General Elections

Nagtakop na ang karera sa politika ni Mahathir Mohamad matapos napierde sa ginhiwat nga 15^th general elections sa Malaysia kahapon nga adlaw, Nobyembre 19.

Nahibaluan nga ang 97 anyos nga statesman sang Malaysian politics ang ginakabig bilang “world’s oldest current prime minister” sang Guinness World Record.

Ini naman ang pinaka-una nga kahigayunan nga napierde si Mahathir sa masobra tunga sa siglo nya sa politika.

Sa karun, wala pa sang athag kun sin-o ang magabulos bilang Prime Minister sang Malaysia kasunod sa hung parliament nga ginpakita sang Election Commission sa latest results sang eleksyon.

Apang, gina-claim naman ni former Malaysian Prime Minister Muhyiddin Yassin nga may bastante na nga pwesto para sa iya sa pagtukod sang panibag-o nga pang-gobyerno.