Thursday, December 8, 2022

Bride sa Switzerland, gindayon ang party kag selebrasyon bisan gin-indian sang iya nga groom

- Advertisement -

ILOILO CITY- Isa ka bride sa Switzerland ang nagpadayon sa pagselebrar kag paghiwat sang seremonyas sa reception apesar gin-indian ini sang iya groom.

Sa baylo na magkasubo kag maglain ang buot, malipayon nga gindayon ni Kayley Stead ang pila ka bahin sang seremonya sang kasal lakip na ang party kag selebrasyon magluwas lamang sa “slicing” of cake nga ginhimo niya nga “punching” of cake.

Para naman sa iya kuntani first dance with the groom, ang tatay kag utod na lamang ni Stead ang iya ginsaot

- Advertisement -

Suno kay Stead nga apat ka tuig na sila nga magkarelasyon sang groom kag ulihi nga nakita niya ini sang alas 4 sang hapon, isa ka adlaw antis ang ila kasal.

Pagkatapos sadto suno sa iya, wala na siya sang may nabatian sa nobyo kag wala naman ini nagasabat sa iya tawag kag wala nagpakita sa ila kasal sa wala niya mahibaluan nga rason.

Bangud sini, naghinibi ang iya entourage kabangdanan nga imbes magkasubo man kag maglain ang buot, ginpakamaayo niya nga dayunon ang party bangud suno sa iya nga gingastuhan niya ini kag kaupod man niya ang iya pamilya kag mga kaabyanan.

- Advertisement -

Bangud sa  iya, lubos nga gindayaw si Stead sang iya mga himata kag mga bisita.

Nagbulig man ang iya mga paryente kag kaabyanan sa pagtipon sang kuwarta nga pambawi sa mga gingasto niya sa kasal.

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,200SubscribersSubscribe

Latest Articles