British Royal Family, gin-pasalamatan ang tanan nga nag-unong sa ila kasunod sa pagtaliwan ni Queen Elizabeth II

Nagpalab-ot sang pagpasalamat ang British Royal Family sa mga nag-upod sa ila kalisod humalin sang nagtaliwan si Queen Elizabeth II tubtob nga nadul-ong ini sa iya pinaka-ulihi nga palahuwayan sa King George VI Memorial Chapel.

Nag-post naman sa social media account ang The Royal Family sang laragway ni Queen Elizabeth II nga yara sa babaw sang bukid.

Nahibaluan nga ginlubong si Queen Elizabeth II kagab-i sa diin tupad lamang sini ang lulungan sang iya bana nga si Prince Philip, amay nya nga si King George VI, iya iloy nga si Queen Elizabeth Angela Marguerite Bowes-Lyon, kag sang iya utod nga babaye nga si Princess Margaret.