“Deltacron” nga may genes sang Delta kag Omicron, nadiskubrehan

ILOILO CITY — Nadiskubrehan ang variant nga naga-combine sang genes sang Delta kag Omicron variants nga ginatawag bilang “Deltacron” sa Estados Unidos kag Europe.

Ginapahayag nga isa ini ka hybrid versions sang coronavirus kun sa diin 17 na ka mga pasyente nagikan sa US kag Europe ang nainfect.

Apang bangud sa manubo pa lang nga kaso sang Deltacron ang nakumpirmar, indi pa karon matumod kun mas makalalaton ukon makatuga sang mas malala nga balatian ang nasambit nga variant suno kay Philippe Colson, head author sang report.