Eroplano sa Taiwan, wala nadayon ang flight matapos naglupok kag nagtuga sang kalayo ang powerbank sang pasahero

Wala na nadayon ang flight sang isa ka eroplano sa Taiwan matapos naglupok kag nagtuga sang kalayo ang powerbank sang pasahero, sa diin duha ka persona ang pilason.

Nahibaluan nga manuglupad na kuntani ang eroplano padulong sa Singapore apang nabulabog ang tanan sang nag-overheat kag naglupok ang powerbank.

Gilayon naman napalong sang cabin crew ang sunog, apang nagbalik sa gihapon sa gate sang airport ang eroplano kag ginpapanaog ang mga pasahero.

Ginhatagan naman sang first aid ang duha ka pasahero lakip na ang tag-iya sang powerbank.

Samtang, gin-reschedule naman ang flight kag ginhatagan sang accommodation kag meals ang mga pasahero sang eroplano.