ILOILO CITY- Ginlunsar sang G20 health and finance ministers ang $1.4 billion fund subong nga Domingo agud atubangon ang masunod nga global pandemic.
Abanse nga ginhimo ang nasambit nga tikang antis ang G20 summit nga hiwaton sa Bali, Indonesia sa masunod nga semana.
Ang 24-nation fund ang ginalantaw nga isa ka mangin resulta sang summit sa masunod nga semana kon sa diin ginalauman nga wala sang daku nga development angut sa krisis sa Ukraine bangud indi makatambung si Russian President Vladimir Putin.
Ginlunsar ini subong nga Domingo sa ginhiwat nga News Conference nga ginbuksan ni Indonesian President Joko Widodo.
Suno kay Widodo nga $31 billion ang kinahanglanon agud maatubang kag mabatuan ang masunod nga global pandemic.
Nag-amot ang Estados Unidos sang $450 million nga halos 1/3 sang kabug-usan nga pondo.
Ginpahayag ni US treasury Secretary nga ang joint fund ang ehemplo kon paano ang G20 mag-atubang kag pagsolbar sang kalibutanon nga problema.
