ILOILO CITY- Ginkilala sang Guinness World Record ang isa ka DJ sa Texas nga naglab-ot sa 71 ka tuig ang career sa radyo bilang may pinakamalawig nga broadcasting tenure.
Suno sa Guinness World Records, si Mary McCoy ang gin-awardan sang record para sa “longest career as radio presenter/DJ matapos ginverify ang iya kalawigon sa broadcast industry nga naglab-ot sa masobra 71 ka tuig.
Nagsugod ang radio career ni McCoy sa edad nga 12 anyos kon sa diin nagatrabaho siya lima ka adlaw kada semana bilang radio host sa KMCO Radio sang Abril 20, 1951.
Sa karon, 85 anyos na si McCoy apang padayon siya nga naga-host sang duha ka oras nga radio program sa KVST K-Star Country sa Hunstville.
Magluwas sa radyo, may music career man si McCoy kon sa diin nakaupod niya anay sa stage si si Elvis Presley kon sa diin nag-upod ini sa iya sa pagkanta sang pila ka ambahanon sang 1955.
