Monday, February 6, 2023

Kapin 2,500 ka seals, nasapwan nga patay sa Caspian Sea coast sa Russia

- Advertisement -

Nagdangat sa 2,500 ka mga endangered seals ang nasapwan nga patay sa Caspian Sea coast sa Russia.

Suno sa local environment ministry, gina-imbestigaran pa kun ngaa naanod ang mga seals pahigad sa baybayon sang Dagestan, southern Russia.

Ginpahayag ni Svetlana Radionova, head sang Russian agency for natural resources, ginalantaw sang mga otoridad nga posible na-suffocate sa gas nga gin-release sa seafloor ang rason sang pagkamatay sang mga kasapatan.

- Advertisement -

Ginalauman niya man nga ang una nga resulta sang imbestigasyon amo ang pagdetermina sang impact sang water pollution.

Nahibaluan nga kaangay man nga kalalat-an ang nagluntad man sang tuig 2020 sa baybayon sang Dagestan kag Azerbaijan sa diin naglab-ot sa 2,000 ka seals ang napatay.

Ang Caspian Sea ang ginakabig bilang isa sa pinakadako nga inland body of water sa kalibutan nga napalibutan sang lima ka pungsod nga ginalakipan sang Russia, Kazakhstan, Azerbaijan, Iran kag Turkmenistan.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,350SubscribersSubscribe

Latest Articles