King Charles, gin-abi-abi si South African President Ramaphosa sa pinakauna sini nga state visit

ILOILO CITY- Mainit nga gin-abi-abi ni King Charles sa Buckingham Palace si South African President Cyril Ramaphosa sa pinakauna sini nga State visit.

Ini man ang pinakauna nga pag-host ni King Charles sang state visit humalin sang mangin Hari sang Britanya.

Ginpangunahan sang 74-anyos nga hari ang seremonya sa pagpabakod sang relasyon sang Britanya kag South Africa.

Gindayaw man ni Ramaphosa ang mabakod nga relasyon sang duha ka pungsod.

Nagalaum naman ang Britanya nga ang pagbisita ni Ramaphosa nga gin-plano antis pa nagtaliwan si Queen Elizabeth, ang magapabakod sa Trade and investment ties sa tunga sang duha ka pungsod.