ILOILO CITY- Nabuka sang Australiano nga si Blake Johnston para sa malawig kag tayuyon nga surfing session sa sulod sang 40 oras.
Wala napunggan sang 40-anyos nga anay surfing pro nga magtulo ang luha matapos nalabawan ang anay record sang South African nga si Josh Elsin nga 30 ka oras kag 11 minutos nga pag-sufring, kon sa diin maisog niya nga ginbatuan ang mga bokya kag burol sa dagat.
Ginpasalamatan niya sang makadali ang ginatos nga naglinya sa Sydney Cronulla beach kag nag-cheer sa iya sa tion sang malip-ot nga food and water break, antis nagbalik sa pag-surfing tubtub nag-untat siya sa ika-40 oras.
Nahibaluan nga katuyuan ni Johnston sa paghimo sang world record nga makatipon sang masobra 200,000 Australian dollars para sa iya mental health.
Indi ini ang una nga kahigayunan nga nagpasakop si Johnston sa marathon test sang human endurance.
Sang 2020, nagdalagan siya sang 100 kilometers nga naga-tiniil lamang sa batuhon nga baybayon sang Syney.
