Patay ang lima ka persona samtang pilason naman ang 18 ka iban pa sa nagluntad nga mass shooting incident sa LGBTQ nightclub sa Colorado sa Estados Unidos.
“It’s with a heavy heart I have to tell you that we had a shooting at a local club this evening,” suno kay police spokesperson Pamela Castro.
“We have 18 injured and five deceased. That number is subject to change as the investigation continues,” base sa report sini.
Suno kay Castro, nakabaton sila sang emergency call nga may natabo nga pagtinirohay sa Club Q.
Samtang, antes pa man natabo ang krimen, nagpost pa ang club nga naga-selebrar sila sang Transgender Day of Remembrance nga may nagkalain-lain nga gender identities kag performance styles.
Sa subong, padayon ang imbestigasyon sang kapulisan sa natabo nga krimen.
