ILOILO CITY- Isa ka babaye sa isa ka banwa sa Colorado ang nagpangabay nga taguon lang ang iya identity agud indi siya makilala sa ila banwa matapos magdaug sang $250,000 dollars sa lotto.
Ginapahayag nga si Joanie, ang naghingyo sa 100X The Cash Bonus Draw sa Colorado nga indi lang paglawagon ang iya apelyido agud indi siya makilala sa ila lugar nga nagdaug siya sang daku nga kantidad sa lotto.
Magluwas diri, indi man siya luyag nga ipakita ang iya nawong sa photo op sa tion sang pay-out sang iya premyo.
Subong man, aminado si Joanie nga mabudlay nga taguon ang iya identity bangud ang iya banwa nga Cowdrey ang may yara lamang sang 27 ka tawo.
Suno sa lottery officials nga bisan tabunan pa ang iya nawong sa photo ops, mahibaluan man gihapon sang iya mga kasimanwa nga siya ang tagdaug sang jackpot prize nga $250,000.
