ILOILO CITY — Kapin 14 ka mga tawo ang napatay bangud sa magnitude 6.8 nga linog nga nag-igo sa Ecuador kag Peru.
Ginbanta sang United States Geological Survey (USGS) nga ang linog ang may sang kadalumon nga 66.4km ukon kapin 10km gikan sa syudad sang Balao sa probinsya sang Guayas.
Suno sa communication agency, nagbilin ang linog sang 14 ka mga tawo nga patay kag masobra 380 ka mga pilason nga kalabanan sa El Oro province.
Dugang pa sang ahensya nga kapin 44 ka mga balay ang naguba, samtang 90 ka iban pa ang nahalitan.
Kapin 50 ka mga educational buildings kag masobra 30 ka mga health centers ang apektado, kag madamo nga mga dalanon ang indi passable bangud sa landslide tuga sang linog.
Operational naman ang Santa Rosa airport apisar nga may yara sang minor nga kahalitan.
Nahibaluan nga ang una nga linog ang ginsundan sang duha ka mga mahinay nga aftershocks suno sa Geophysics Institute of Ecuador.
