Masobra 5 million ka mga kabataan sa Ukraine, wala na nakabalik sa pag-eskwela bangud sa giyera nga tuga sang Russia

Wala na nakabalik sa pag-eskwela ang masobra sa 5 million ka mga kabataan sa Ukraine bangud sa pagpangatake sang Russia, suno sa United Nations International Childrens Education Fund (UNICEF).

Ginpahayag man sang UNICEF nga nagdamo pa ang wala na nakabalik sa pagtuon humalin man sang nagsugod ang CoVid-19 pandemic.

Nahibaluan nga sang tion sang peak sang pandemya, tanan nga buluthuan ang nagsirado, kag sa subong, madamo naman ang nagkalaguba bangud sa giyera.