Mga iguana sa South Florida, nagpalanig-a bangud sa tuman ka tugnaw nga tyempo

Indi maagwantahan sang mga iguana ang tuman ka tugnaw sa Florida, USA rason nga madamo sa nasambit nga kasapatan ang nagakalahulog sa mga puno sang kahoy kag nagpalanig-a.

Apang, gin-athag man sang National Weather Service nga indi pa patay ang mga iguana sa diin nagahina lang ang ila lawas ilabi na kun nagadangat sa 40°F  ukon 4° ang temperature sa lugar.

Suno naman kay Stacey Cohen, isa ka reptile expert, bangud sa sobra ka tugnaw , naga-shutdown ang lawas sang mga iguana kag indi nila masarangay magkabit sa mga puno sang kahoy rason nga nagakalahulog ang mga ini.

Mahibaluan nga ang mga iguana ang gikan sa Central kag South America rason nga mas anad ang ila lawas sa mainit nga temperature.