North Korea, handum nga mangin “world’s most powerful nuclear force” suno kay Kim Jong Un

Ginpahayag ni North Korean leader Kim Jong Un nga mangin “world’s most powerful nuclear force” ang ila pungsod.

Ini kasunod sa pagtsekyar nya sang test sadtong Nobyembre 18 sang Hwasong-17, ang “largest intercontinental ballistic missile” (ICBM) kag pagsabat sa nuclear threats sang Estados Unidos. Subongman ang pag-promote nya sa dosena nga military officers nga imbolbado sa ginlunsyar nga new ballistic missile.

Suno kay Kim, ang Hwasong-17 ang “world’s strongest strategic weapon” kag maka-demonstrate sa pagresolbar kag ability sang North Korea agud makatukod sang “strongest army” sa bug-os nga kalibutan.