North Korea, nagpalupad sang missile antis ang South Korea-Japan Summit

ILOILO CITY- Nagpalupad sang ballistic missile ang North Korea pakakdto sa dagat sa tunga-tunga sang Korean peninsula kag Japan.

Ginpahayag sang South Korean military nga ginhimo sang North Korea ang tikang pila ka oras antis ang pagbiya ni South Korean President Yoon Suk Yeol padulong sa Tokyo para sa tumalagsahon nga summit.

Naghiwat ang North Korea sang halos adlaw-adlaw nga missile launch subong nga semana sa tunga sang nagapadayon nga joint South Korea-US military drill nga ginapakamalaut sang Pyongyang.

Nagpadulong si Yoon sa Japan para sa pinakauna nga summit upod kay Prime Minister Fumio Kishida sa sulod sang masobra isa ka dekada, kon sa diin pabaskugon sang duha ka pungsod ang bilateral cooperation.